Plato, Laws, book 1 98:

ἀληθέστατα. οὐκοῦν νήφοντά τε καὶ σοφὸν ἄρχοντα μεθυόντων δεῖ καθιστάναι, καὶ μὴ τοὐναντίον; μεθυόντων γὰρ μεθύων καὶ νέοσ ἄρχων μὴ σοφόσ, εἰ μὴ κακὸν ἀπεργάσαιτό τι μέγα, πολλῇ χρῷτ’ ἂν ἀγαθῇ τύχῃ. παμπόλλῃ μὲν οὖν. οὐκοῦν εἰ μὲν γιγνομένων ὡσ δυνατὸν ὀρθότατα τούτων ἐν ταῖσ πόλεσι τῶν συνουσιῶν μέμφοιτό τισ, ἐπικαλῶν αὐτῷ τῷ πράγματι, τάχ’ ἂν ὀρθῶσ ἴσωσ μέμφοιτο·