Plato, Laws, book 1 91:

τί δ’ ἐπαινέτην ἢ ψέκτην κοινωνίασ ἡστινοσοῦν ᾗ πέφυκέν τε ἄρχων εἶναι μετ’ ἐκείνου τε ὠφέλιμόσ ἐστιν, ὁ δὲ μήτε ἑωρακὼσ εἰή ποτ’ ὀρθῶσ αὐτὴν αὑτῇ κοινωνοῦσαν μετ’ ἄρχοντοσ, ἀεὶ δὲ ἄναρχον ἢ μετὰ κακῶν ἀρχόντων συνοῦσαν; οἰόμεθα δή ποτε τοὺσ τοιούτουσ θεωροὺσ τῶν τοιούτων κοινωνιῶν χρηστόν τι ψέξειν ἢ ἐπαινέσεσθαι; πῶσ δ’ ἄν, μηδέποτέ γε ἰδόντασ μηδὲ συγγενομένουσ ὀρθῶσ γενομένῳ μηδενὶ τῶν τοιούτων κοινωνημάτων;