Plato, Laws, book 1 59:

ὁ Διὸσ οὖν δὴ καὶ ὁ Πυθικὸσ νομοθέτησ οὐ δήπου χωλὴν τὴν ἀνδρείαν νενομοθετήκατον, πρὸσ τἀριστερὰ μόνον δυναμένην ἀντιβαίνειν, πρὸσ τὰ δεξιὰ καὶ κομψὰ καὶ θωπευτικὰ ἀδυνατοῦσαν; ἢ πρὸσ ἀμφότερα; πρὸσ ἀμφότερα ἔγωγε ἀξιῶ. λέγωμεν τοίνυν πάλιν ἐπιτηδεύματα ποῖα ἔσθ’ ὑμῖν ἀμφοτέραισ ταῖσ πόλεσιν, ἃ γεύοντα τῶν ἡδονῶν καὶ οὐ φεύγοντα αὐτάσ, καθάπερ τὰσ λύπασ οὐκ ἔφευγεν, ἀλλ’ ἄγοντα εἰσ μέσασ, ἠνάγκαζε καὶ ἔπειθεν τιμαῖσ ὥστε κρατεῖν αὐτῶν;