Plato, Laws, book 1 55:

ἔτι δὲ κἀν ταῖσ γυμνοπαιδίαισ δειναὶ καρτερήσεισ παρ’ ἡμῖν γίγνονται τῇ τοῦ πνίγουσ ῥώμῃ διαμαχομένων, καὶ πάμπολλα ἕτερα, σχεδὸν ὅσα οὐκ ἂν παύσαιτό τισ ἑκάστοτε διεξιών. εὖ γε, ὦ Λακεδαιμόνιε ξένε, λέγεισ. τὴν ἀνδρείαν δέ, φέρε, τί θῶμεν; πότερον ἁπλῶσ οὕτωσ εἶναι πρὸσ φόβουσ καὶ λύπασ διαμάχην μόνον, ἢ καὶ πρὸσ πόθουσ τε καὶ ἡδονὰσ καί τινασ δεινὰσ θωπείασ κολακικάσ, αἳ καὶ τῶν σεμνῶν οἰομένων εἶναι τοὺσ θυμοὺσ ποιοῦσιν κηρίνουσ.