Plato, Laws, book 1 41:

καὶ σοῦ τὴν μὲν ἐπιχείρησιν τῆσ ἐξηγήσεωσ περὶ τοὺσ νόμουσ παντάπασιν ἄγαμαι· τὸ γὰρ ἀπ’ ἀρετῆσ ἄρχεσθαι, λέγοντα ὡσ ἐτίθει ταύτησ ἕνεκα τοὺσ νόμουσ, ὀρθόν· ὅτι δὲ πάντα εἰσ μόριον ἀρετῆσ, καὶ ταῦτα τὸ σμικρότατον, ἐπαναφέροντα ἔφησθ’ αὐτὸν νομοθετεῖν, οὔτε ὀρθῶσ ἔτι μοι κατεφάνησ λέγων τόν τε ὕστερον νῦν λόγον τοῦτον πάντα εἴρηκα διὰ ταῦτα. πῇ δὴ οὖν σε ἔτ’ ἂν ἐβουλόμην διελόμενον λέγειν αὐτόσ τε ἀκούειν;