Plato, Laws, book 1 7:

πάνυ μὲν οὖν· ἰδόντεσ δὲ μᾶλλον φήσομεν. ἀλλ’ ἰώμεν ἀγαθῇ τύχῃ. ταῦτ’ εἰή. καί μοι λέγε· κατὰ τί τὰ συσσίτιά τε ὑμῖν συντέταχεν ὁ νόμοσ καὶ τὰ γυμνάσια καὶ τὴν τῶν ὅπλων ἕξιν; οἶμαι μέν, ὦ ξένε, καὶ παντὶ ῥᾴδιον ὑπολαβεῖν εἶναι τά γε ἡμέτερα. τὴν γὰρ τῆσ χώρασ πάσησ Κρήτησ φύσιν ὁρᾶτε ὡσ οὐκ ἔστι, καθάπερ ἡ τῶν Θετταλῶν, πεδιάσ, διὸ δὴ καὶ τοῖσ μὲν ἵπποισ ἐκεῖνοι χρῶνται μᾶλλον, δρόμοισιν δὲ ἡμεῖσ·