Plato, Cratylus, Theaetetus, Sophist, Statesman, Πολιτικός? 295:

τὴν δὴ βασιλικὴν συμπλοκήν, ὡς ἐοίκε, λεκτέον ποία τέ ἐστι καὶ τίνι τρόπῳ συμπλέκουσα ποῖον ἡμῖν ὕφασμα ἀποδίδωσιν. δῆλον. ἦ χαλεπὸν ἐνδείξασθαι πρᾶγμα ἀναγκαῖον ἄρα γέγονεν, ὡς φαίνεται. πάντως γε μὴν ῥητέον. τὸ γὰρ ἀρετῆς μέρος ἀρετῆς εἴδει διάφορον εἶναί τινα τρόπον τοῖς περὶ λόγους ἀμφισβητητικοῖς καὶ μάλ εὐεπίθετον πρὸς τὰς τῶν πολλῶν δόξας. οὐκ ἔμαθον. ἀλλ ὧδε πάλιν. ἀνδρείαν γὰρ οἶμαί σε ἡγεῖσθαι μέρος ἓν ἀρετῆς ἡμῖν εἶναι.