Plato, Cratylus, Theaetetus, Sophist, Statesman, Πολιτικός 160:

ἡ γάρ που μετρητικὴ περὶ πάντ’ ἐστὶ ταῦτα. ναί. διέλωμεν τοίνυν αὐτὴν δύο μέρη· δεῖ γὰρ δὴ πρὸσ ὃ νῦν σπεύδομεν. λέγοισ ἂν τὴν διαίρεσιν ὅπῃ. τῇδε· τὸ μὲν κατὰ τὴν πρὸσ ἄλληλα μεγέθουσ καὶ σμικρότητοσ κοινωνίαν, τὸ δὲ τὸ κατὰ τὴν τῆσ γενέσεωσ ἀναγκαίαν οὐσίαν. πῶσ λέγεισ; ἆρ’ οὐ κατὰ φύσιν δοκεῖ σοι τὸ μεῖζον μηδενὸσ ἑτέρου δεῖν μεῖζον λέγειν ἢ τοῦ ἐλάττονοσ, καὶ τοὔλαττον αὖ τοῦ μείζονοσ ἔλαττον, ἄλλου δὲ μηδενόσ;