πῶσ γὰρ οὔ; τί δέ; κναφευτικὴν σύμπασαν καὶ τὴν ἀκεστικὴν πότερα μηδεμίαν ἐπιμέλειαν μηδέ τινα θεραπείαν ἐσθῆτοσ θῶμεν, ἢ καὶ ταύτασ πάσασ ὡσ ὑφαντικὰσ λέξομεν; οὐδαμῶσ. ἀλλὰ μὴν τῆσ γε θεραπείασ ἀμφισβητήσουσιν αὗται σύμπασαι καὶ τῆσ γενέσεωσ τῆσ τῶν ἱματίων τῇ τῆσ ὑφαντικῆσ δυνάμει, μέγιστον μὲν μέροσ ἐκείνῃ διδοῦσαι, μεγάλα δὲ καὶ σφίσιν αὐταῖσ ἀπονέμουσαι.
