Plato, Cratylus, Theaetetus, Sophist, Statesman, Πολιτικός 29:

πότερον οὖν τῆσ ζῳοτροφίασ τὴν τῶν συμπόλλων κοινὴν τροφὴν ἀγελαιοτροφίαν ἢ κοινοτροφικήν τινα ὀνομάζομεν; ὁπότερον ἂν ἐν τῷ λόγῳ συμβαίνῃ. καλῶσ γε, ὦ Σώκρατεσ· κἂν διαφυλάξῃσ τὸ μὴ σπουδάζειν ἐπὶ τοῖσ ὀνόμασιν, πλουσιώτεροσ εἰσ τὸ γῆρασ ἀναφανήσῃ φρονήσεωσ. νῦν δὲ τοῦτο μέν, καθάπερ διακελεύῃ, ποιητέον· τὴν δὲ ἀγελαιοτροφικὴν ἆρ’ ἐννοεῖσ πῇ τισ δίδυμον ἀποφήνασ τὸ ζητούμενον ἐν διπλασίοισι τὰ νῦν ἐν τοῖσ ἡμίσεσιν εἰσ τότε ποιήσει ζητεῖσθαι;