Plato, Cratylus, Theaetetus, Sophist, Statesman, Πολιτικός 19:

δικαίωσ δὴ μετέχειν ἂν λέγοιτο τῆσ γνωστικῆσ ἐπιστήμησ. πάνυ γε. τούτῳ δέ γε οἶμαι προσήκει κρίναντι μὴ τέλοσ ἔχειν μηδ’ ἀπηλλάχθαι, καθάπερ ὁ λογιστὴσ ἀπήλλακτο, προστάττειν δὲ ἑκάστοισ τῶν ἐργατῶν τό γε πρόσφορον ἑώσ ἂν ἀπεργάσωνται τὸ προσταχθέν. ὀρθῶσ. οὐκοῦν γνωστικαὶ μὲν αἵ τε τοιαῦται σύμπασαι καὶ ὁπόσαι συνέπονται τῇ λογιστικῇ, κρίσει δὲ καὶ ἐπιτάξει διαφέρετον ἀλλήλοιν τούτω τὼ γένη;