Plato, Cratylus, Theaetetus, Sophist, Statesman, Σοφιστής 216:

οὐ γὰρ οὖν. τί δέ; ἔσται πότερον αὐτῶν οὐσίασ μὴ προσκοινωνοῦν; οὐκ ἔσται. ταχὺ δὴ ταύτῃ γε τῇ συνομολογίᾳ πάντα ἀνάστατα γέγονεν, ὡσ ἐοίκεν, ἅμα τε τῶν τὸ πᾶν κινούντων καὶ τῶν ὡσ ἓν ἱστάντων καὶ ὅσοι κατ’ εἴδη τὰ ὄντα κατὰ ταὐτὰ ὡσαύτωσ ἔχοντα εἶναί φασιν ἀεί· πάντεσ γὰρ οὗτοι τό γε εἶναι προσάπτουσιν, οἱ μὲν ὄντωσ κινεῖσθαι λέγοντεσ, οἱ δὲ ὄντωσ ἑστηκότ’ εἶναι. κομιδῇ μὲν οὖν.