Plato, Cratylus, Theaetetus, Sophist, Statesman, Σοφιστής? 121:

καὶ τῆς γε μιμητικῆς τὸ ἐπὶ τούτῳ μέρος κλητέον ὅπερ εἴπομεν ἐν τῷ πρόσθεν, εἰκαστικήν· κλητέον. τί δέ· τὸ φαινόμενον μὲν διὰ τὴν οὐκ ἐκ καλοῦ θέαν ἐοικέναι τῷ καλῷ, δύναμιν δὲ εἴ τις λάβοι τὰ τηλικαῦτα ἱκανῶς ὁρᾶν, μηδ εἰκὸς ᾧ φησιν ἐοικέναι, τί καλοῦμεν· ἆρ οὐκ, ἐπείπερ φαίνεται μέν, ἐοίκε δὲ οὔ, φάντασμα· τί μήν· οὐκοῦν πάμπολυ καὶ κατὰ τὴν ζωγραφίαν τοῦτο τὸ μέρος ἐστὶ καὶ κατὰ σύμπασαν μιμητικήν·