Plato, Cratylus, Theaetetus, Sophist, Statesman, Σοφιστής 80:

ἀγνοίασ γοῦν μέγα τί μοι δοκῶ καὶ χαλεπὸν ἀφωρισμένον ὁρᾶν εἶδοσ, πᾶσι τοῖσ ἄλλοισ αὐτῆσ ἀντίσταθμον μέρεσιν. ποῖον δή; τὸ μὴ κατειδότα τι δοκεῖν εἰδέναι· δι’ οὗ κινδυνεύει πάντα ὅσα διανοίᾳ σφαλλόμεθα γίγνεσθαι πᾶσιν. ἀληθῆ. καὶ δὴ καὶ τούτῳ γε οἶμαι μόνῳ τῆσ ἀγνοίασ ἀμαθίαν τοὔνομα προσρηθῆναι. πάνυ γε. τί δὲ δὴ τῷ τῆσ διδασκαλικῆσ ἄρα μέρει τῷ τοῦτο ἀπαλλάττοντι λεκτέον;