Plato, Cratylus, Theaetetus, Sophist, Statesman, Σοφιστής 79:

φέρε δή· καταφανέσ πῄ σοι τὸ νῦν ζητούμενον; διδασκαλικῆσ δὲ ἆρα ἓν μόνον γένοσ φατέον εἶναι ἢ πλείω, δύο δέ τινε αὐτῆσ εἶναι μεγίστω; σκόπει. σκοπῶ. καί μοι δοκοῦμεν τῇδε ἄν πῃ τάχιστα εὑρεῖν. πῇ; τὴν ἄγνοιαν ἰδόντεσ εἴ πῃ κατὰ μέσον αὑτῆσ τομὴν ἔχει τινά. διπλῆ γὰρ αὕτη γιγνομένη δῆλον ὅτι καὶ τὴν διδασκαλικὴν δύο ἀναγκάζει μόρια ἔχειν, ἓν ἐφ’ ἑνὶ γένει τῶν αὑτῆσ ἑκατέρῳ. τί οὖν;