Plato, Cratylus, Theaetetus, Sophist, Statesman, Θεαίτητος 375:

ἐχέτω δὴ ὡσ νῦν φαμεν, μία ἰδέα ἐξ ἑκάστων τῶν συναρμοττόντων στοιχείων γιγνομένη ἡ συλλαβή, ὁμοίωσ ἔν τε γράμμασι καὶ ἐν τοῖσ ἄλλοισ ἅπασι. πάνυ μὲν οὖν. οὐκοῦν μέρη αὐτῆσ οὐ δεῖ εἶναι. τί δή; ὅτι οὗ ἂν ᾖ μέρη, τὸ ὅλον ἀνάγκη τὰ πάντα μέρη εἶναι. ἢ καὶ τὸ ὅλον ἐκ τῶν μερῶν λέγεισ γεγονὸσ ἕν τι εἶδοσ ἕτερον τῶν πάντων μερῶν; ἔγωγε. τὸ δὲ δὴ πᾶν καὶ τὸ ὅλον πότερον ταὐτὸν καλεῖσ ἢ ἕτερον ἑκάτερον;