Plato, Cratylus, Theaetetus, Sophist, Statesman, Θεαίτητος 323:

τὴν ἐμαυτοῦ δυσμαθίαν δυσχεράνασ καὶ ὡσ ἀληθῶσ ἀδολεσχίαν. τί γὰρ ἄν τισ ἄλλο θεῖτο ὄνομα, ὅταν ἄνω κάτω τοὺσ λόγουσ ἕλκῃ τισ ὑπὸ νωθείασ οὐ δυνάμενοσ πεισθῆναι, καὶ ᾖ δυσαπάλλακτοσ ἀφ’ ἑκάστου λόγου; σὺ δὲ δὴ τί δυσχεραίνεισ; οὐ δυσχεραίνω μόνον ἀλλὰ καὶ δέδοικα ὅτι ἀποκρινοῦμαι ἄν τισ ἔρηταί με· "ὦ Σώκρατεσ, ηὑρ́ηκασ δὴ ψευδῆ δόξαν, ὅτι οὔτε ἐν ταῖσ αἰσθήσεσίν ἐστι πρὸσ ἀλλήλασ οὔτ’ ἐν ταῖσ διανοίαισ ἀλλ’ ἐν τῇ συνάψει αἰσθήσεωσ πρὸσ διάνοιαν;