Plato, Cratylus, Theaetetus, Sophist, Statesman, Θεαίτητος 299:

σκόπει οὖν εἰ τὶ λέγω. ἆρα ἔστιν μὴ εἰδότα τι πρότερον ὕστερον μαθεῖν; ἔστι μέντοι. οὐκοῦν καὶ αὖθισ ἕτερον καὶ ἕτερον; τί δ’ οὔ; θὲσ δή μοι λόγου ἕνεκα ἐν ταῖσ ψυχαῖσ ἡμῶν ἐνὸν κήρινον ἐκμαγεῖον, τῷ μὲν μεῖζον, τῷ δ’ ἔλαττον, καὶ τῷ μὲν καθαρωτέρου κηροῦ, τῷ δὲ κοπρωδεστέρου, καὶ σκληροτέρου, ἐνίοισ δὲ ὑγροτέρου, ἔστι δ’ οἷσ μετρίωσ ἔχοντοσ.