호흡부호 보기
강세부호 보기
장단부호 보기
작은 Iota 보기
모든 부호 보기
τί δ’ οὐ μέλλει, ἥ γε διὰ τῆσ γλώττησ δύναμισ; καλῶσ λέγεισ. ἡ δὲ δὴ διὰ τίνοσ δύναμισ τό τ’ ἐπὶ πᾶσι κοινὸν καὶ τὸ ἐπὶ τούτοισ δηλοῖ σοι, ᾧ τὸ "ἔστιν" ἐπονομάζεισ καὶ τὸ "οὐκ ἔστι" καὶ ἃ νυνδὴ ἠρωτῶμεν περὶ αὐτῶν; τούτοισ πᾶσι ποῖα ἀποδώσεισ ὄργανα δι’ ὧν αἰσθάνεται ἡμῶν τὸ αἰσθανόμενον ἕκαστα; οὐσίαν λέγεισ καὶ τὸ μὴ εἶναι, καὶ ὁμοιότητα καὶ ἀνομοιότητα, καὶ τὸ ταὐτόν τε καὶ τὸ ἕτερον, ἔτι δὲ ἕν τε καὶ τὸν ἄλλον ἀριθμὸν περὶ αὐτῶν. δῆλον δὲ ὅτι καὶ ἄρτιόν τε καὶ περιττὸν ἐρωτᾷσ, καὶ τἆλλα ὅσα τούτοισ ἕπεται, διὰ τίνοσ ποτὲ τῶν τοῦ σώματοσ τῇ ψυχῇ αἰσθανόμεθα.
호흡부호 보기
강세부호 보기
장단부호 보기
작은 Iota 보기
모든 부호 보기