Plato, Cratylus, Theaetetus, Sophist, Statesman, Θεαίτητος 232:

τούτῳ δὲ πάνυ πολεμοῦσιν, καὶ καθ’ ὅσον δύνανται πανταχόθεν ἐκβάλλουσιν. ἴσωσ, ὦ Θεόδωρε, τοὺσ ἄνδρασ μαχομένουσ ἑώρακασ, εἰρηνεύουσιν δὲ οὐ συγγέγονασ· οὐ γὰρ σοὶ ἑταῖροί εἰσιν. ἀλλ’ οἶμαι τὰ τοιαῦτα τοῖσ μαθηταῖσ ἐπὶ σχολῆσ φράζουσιν, οὓσ ἂν βούλωνται ὁμοίουσ αὑτοῖσ ποιῆσαι. ποίοισ μαθηταῖσ, ὦ δαιμόνιε; οὐδὲ γίγνεται τῶν τοιούτων ἕτεροσ ἑτέρου μαθητήσ, ἀλλ’ αὐτόματοι ἀναφύονται ὁπόθεν ἂν τύχῃ ἕκαστοσ αὐτῶν ἐνθουσιάσασ, καὶ τὸν ἕτερον ὁ ἕτεροσ οὐδὲν ἡγεῖται εἰδέναι.