Plato, Cratylus, Theaetetus, Sophist, Statesman, Θεαίτητος 120:

ἢ πῶσ λέγωμεν, ὦ Θεόδωρε; εἰ γὰρ δὴ ἑκάστῳ ἀληθὲσ ἔσται ὃ ἂν δι’ αἰσθήσεωσ δοξάζῃ, καὶ μήτε τὸ ἄλλου πάθοσ ἄλλοσ βέλτιον διακρινεῖ, μήτε τὴν δόξαν κυριώτεροσ ἔσται ἐπισκέψασθαι ἕτεροσ τὴν ἑτέρου ὀρθὴ ἢ ψευδήσ, ἀλλ’ ὃ πολλάκισ εἴρηται, αὐτὸσ τὰ αὑτοῦ ἕκαστοσ μόνοσ δοξάσει, ταῦτα δὲ πάντα ὀρθὰ καὶ ἀληθῆ, τί δή ποτε, ὦ ἑταῖρε, Πρωταγόρασ μὲν σοφόσ, ὥστε καὶ ἄλλων διδάσκαλοσ ἀξιοῦσθαι δικαίωσ μετὰ μεγάλων μισθῶν, ἡμεῖσ δὲ ἀμαθέστεροί τε καὶ φοιτητέον ἡμῖν ἦν παρ’ ἐκεῖνον, μέτρῳ ὄντι αὐτῷ ἑκάστῳ τῆσ αὑτοῦ σοφίασ;