Plato, Cratylus, Theaetetus, Sophist, Statesman, Θεαίτητος 69:

τίσ οὖν ἂν ἔτι πρόσ γε τοσοῦτον στρατόπεδον καὶ στρατηγὸν Ὅμηρον δύναιτο ἀμφισβητήσασ μὴ οὐ καταγέλαστοσ γενέσθαι; οὐ ῥᾴδιον, ὦ Σώκρατεσ. οὐ γάρ, ὦ Θεαίτητε. ἐπεὶ καὶ τάδε τῷ λόγῳ σημεῖα ἱκανά, ὅτι τὸ μὲν εἶναι δοκοῦν καὶ τὸ γίγνεσθαι κίνησισ παρέχει, τὸ δὲ μὴ εἶναι καὶ ἀπόλλυσθαι ἡσυχία· τὸ γὰρ θερμόν τε καὶ πῦρ, ὃ δὴ καὶ τἆλλα γεννᾷ καὶ ἐπιτροπεύει, αὐτὸ γεννᾶται ἐκ φορᾶσ καὶ τρίψεωσ· τούτω δὲ κινήσεισ. ἢ οὐχ αὗται γενέσεισ πυρόσ;