Plato, Cratylus, Theaetetus, Sophist, Statesman, Θεαίτητος 45:

εἶτα, ὦ καταγέλαστε, οὐκ ἀκήκοασ ὡσ ἐγώ εἰμι ὑὸσ μαίασ μάλα γενναίασ τε καὶ βλοσυρᾶσ, Φαιναρέτησ; ἤδη τοῦτό γε ἤκουσα. ἆρα καὶ ὅτι ἐπιτηδεύω τὴν αὐτὴν τέχνην ἀκήκοασ; οὐδαμῶσ. ἀλλ’ εὖ ἴσθ’ ὅτι· μὴ μέντοι μου κατείπῃσ πρὸσ τοὺσ ἄλλουσ. λέληθα γάρ, ὦ ἑταῖρε, ταύτην ἔχων τὴν τέχνην· οἱ δέ, ἅτε οὐκ εἰδότεσ, τοῦτο μὲν οὐ λέγουσι περὶ ἐμοῦ, ὅτι δὲ ἀτοπώτατόσ εἰμι καὶ ποιῶ τοὺσ ἀνθρώπουσ ἀπορεῖν. ἦ καὶ τοῦτο ἀκήκοασ;