Plato, Cratylus, Theaetetus, Sophist, Statesman, Θεαίτητος 37:

ἦ καὶ ηὑρ́ετέ τι τοιοῦτον; ἔμοιγε δοκοῦμεν· σκόπει δὲ καὶ σύ. λέγε. τὸν ἀριθμὸν πάντα δίχα διελάβομεν· τὸν μὲν δυνάμενον ἴσον ἰσάκισ γίγνεσθαι τῷ τετραγώνῳ τὸ σχῆμα ἀπεικάσαντεσ τετράγωνόν τε καὶ ἰσόπλευρον προσείπομεν. καὶ εὖ γε. τὸν τοίνυν μεταξὺ τούτου, ὧν καὶ τὰ τρία καὶ τὰ πέντε καὶ πᾶσ ὃσ ἀδύνατοσ ἴσοσ ἰσάκισ γενέσθαι, ἀλλ’ ἢ πλείων ἐλαττονάκισ ἢ ἐλάττων πλεονάκισ γίγνεται, μείζων δὲ καὶ ἐλάττων ἀεὶ πλευρὰ αὐτὸν περιλαμβάνει, τῷ προμήκει αὖ σχήματι ἀπεικάσαντεσ προμήκη ἀριθμὸν ἐκαλέσαμεν.