Plato, Cratylus, Theaetetus, Sophist, Statesman, Κρατύλος 252:

καὶ πάλιν ἐκ τῶν ὀνομάτων καὶ ῥημάτων μέγα ἤδη τι καὶ καλὸν καὶ ὅλον συστήσομεν, ὥσπερ ἐκεῖ τὸ ζῷον τῇ γραφικῇ, ἐνταῦθα τὸν λόγον τῇ ὀνομαστικῇ ἢ ῥητορικῇ ἢ ἥτισ ἐστὶν ἡ τέχνη. μᾶλλον δὲ οὐχ ἡμεῖσ, ἀλλὰ λέγων ἐξηνέχθην. συνέθεσαν μὲν γὰρ οὕτωσ ᾗπερ σύγκειται οἱ παλαιοί· ἡμᾶσ δὲ δεῖ, εἴπερ τεχνικῶσ ἐπιστησόμεθα σκοπεῖσθαι αὐτὰ πάντα, οὕτω διελομένουσ, εἴτε κατὰ τρόπον τά τε πρῶτα ὀνόματα κεῖται καὶ τὰ ὕστερα εἴτε μή, οὕτω θεᾶσθαι·