Plato, Cratylus, Theaetetus, Sophist, Statesman, Κρατύλος 246:

πάνυ μὲν οὖν. καὶ τί ἂν φαίησ τὸν τοῦτο δυνάμενον, ὥσπερ τοὺσ προτέρουσ τὸν μὲν μουσικὸν ἔφησθα, τὸν δέ τινα γραφικόν. τοῦτον δὲ τίνα; τοῦτο ἔμοιγε δοκεῖ, ὦ Σώκρατεσ, ὅπερ πάλαι ζητοῦμεν, οὗτοσ ἂν εἶναι ὁ ὀνομαστικόσ. εἰ ἄρα τοῦτο ἀληθέσ, ἤδη ἐοίκεν ἐπισκεπτέον περὶ ἐκείνων τῶν ὀνομάτων ὧν σὺ ἤρου, περὶ "ῥοῆσ" τε καὶ τοῦ "ἰέναι" καὶ "σχέσεωσ," εἰ τοῖσ γράμμασι καὶ ταῖσ συλλαβαῖσ τοῦ ὄντοσ ἐπιλαμβάνεται αὐτῶν ὥστε ἀπομιμεῖσθαι τὴν οὐσίαν, εἴτε καὶ οὔ;