Plato, Cratylus, Theaetetus, Sophist, Statesman, Κρατύλος 91:

ταύτῃ οὖν τίθεμαι καὶ ἐγὼ τὸν δαήμονα πάντ’ ἄνδρα ὃσ ἂν ἀγαθὸσ ᾖ, δαιμόνιον εἶναι καὶ ζῶντα καὶ τελευτήσαντα, καὶ ὀρθῶσ "δαίμονα" καλεῖσθαι. καὶ ἐγώ μοι δοκῶ, ὦ Σώκρατεσ, τούτου πάνυ σοι σύμψηφοσ εἶναι. ὁ δὲ δὴ "ἡρ́ωσ" τί ἂν εἰή; τοῦτο δὲ οὐ πάνυ χαλεπὸν ἐννοῆσαι. σμικρὸν γὰρ παρῆκται αὐτῶν τὸ ὄνομα, δηλοῦν τὴν ἐκ τοῦ ἔρωτοσ γένεσιν. πῶσ λέγεισ; οὐκ οἶσθα ὅτι ἡμίθεοι οἱ ἡρ́ωεσ; τί οὖν;