Plato, Cratylus, Theaetetus, Sophist, Statesman, Κρατύλος 49:

ἐπειδὴ δὲ οὐκ ἐγκρατὴσ εἶ τῶν πατρῴων, λιπαρεῖν χρὴ τὸν ἀδελφὸν καὶ δεῖσθαι αὐτοῦ διδάξαι σε τὴν ὀρθότητα περὶ τῶν τοιούτων ἣν ἔμαθεν παρὰ Πρωταγόρου. ἄτοποσ μεντἂν εἰή μου, ὦ Σώκρατεσ, ἡ δέησισ, εἰ τὴν μὲν ἀλήθειαν τὴν Πρωταγόρου ὅλωσ οὐκ ἀποδέχομαι, τὰ δὲ τῇ τοιαύτῃ ἀληθείᾳ ῥηθέντα ἀγαπῴην ὥσ του ἄξια. ἀλλ’ εἰ μὴ αὖ σε ταῦτα ἀρέσκει, παρ’ Ὁμήρου χρὴ μανθάνειν καὶ παρὰ τῶν ἄλλων ποιητῶν. καὶ τί λέγει, ὦ Σώκρατεσ, Ὅμηροσ περὶ ὀνομάτων, καὶ ποῦ;