Plato, Cratylus, Theaetetus, Sophist, Statesman, Κρατύλος 30:

κερκίζοντεσ δὲ τί δρῶμεν; οὐ τὴν κρόκην καὶ τοὺσ στήμονασ συγκεχυμένουσ διακρίνομεν; ναί. οὐκοῦν καὶ περὶ τρυπάνου ἕξεισ οὕτωσ εἰπεῖν καὶ περὶ τῶν ἄλλων; πάνυ γε. ἔχεισ δὴ καὶ περὶ ὀνόματοσ οὕτωσ εἰπεῖν; ὀργάνῳ ὄντι τῷ ὀνόματι ὀνομάζοντεσ τί ποιοῦμεν; οὐκ ἔχω λέγειν. ἆρ’ οὐ διδάσκομέν τι ἀλλήλουσ καὶ τὰ πράγματα διακρίνομεν ᾗ ἔχει; πάνυ γε. ὄνομα ἄρα διδασκαλικόν τί ἐστιν ὄργανον καὶ διακριτικὸν τῆσ οὐσίασ ὥσπερ κερκὶσ ὑφάσματοσ.