Plato, Cratylus, Theaetetus, Sophist, Statesman, Κρατύλος 23:

κατὰ τὴν αὑτῶν ἄρα φύσιν καὶ αἱ πράξεισ πράττονται, οὐ κατὰ τὴν ἡμετέραν δόξαν. οἱο͂ν ἐάν τι ἐπιχειρήσωμεν ἡμεῖσ τῶν ὄντων τέμνειν, πότερον ἡμῖν τμητέον ἐστὶν ἕκαστον ὡσ ἂν ἡμεῖσ βουλώμεθα καὶ ᾧ ἂν βουληθῶμεν, ἢ ἐὰν μὲν κατὰ τὴν φύσιν βουληθῶμεν ἕκαστον τέμνειν τοῦ τέμνειν τε καὶ τέμνεσθαι καὶ ᾧ πέφυκε, τεμοῦμέν τε καὶ πλέον τι ἡμῖν ἔσται καὶ ὀρθῶσ πράξομεν τοῦτο, ἐὰν δὲ παρὰ φύσιν, ἐξαμαρτησόμεθά τε καὶ οὐδὲν πράξομεν;