Lycurgus, Speeches, Κατὰ Λεωκράτους 201:

ποία δ’ ἡλικία δικαίωσ ἂν τοῦτον ἐλεήσειε; πότερον ἡ τῶν πρεσβυτέρων; ἀλλ’ οὐδὲ γηροτροφηθῆναι οὐδ’ ἐν ἐλευθέρῳ <τῷ> ἐδάφει τῆσ πατρίδοσ αὐτοῖσ ταφῆναι τὸ καθ’ αὑτὸν μέροσ παρέδωκεν. ἀλλ’ ἡ τῶν νεωτέρων; καὶ τίσ <ἂν> ἀναμνησθεὶσ τῶν ἡλικιωτῶν τῶν ἐν Χαιρωνείᾳ ἑαυτῷ συμπαραταξαμένων καὶ τῶν κινδύνων τῶν αὐτῶν μετασχόντων, σώσειε τὸν τὰσ ἐκείνων θήκασ προδεδωκότα, καὶ τῇ αὐτῇ ψήφῳ τῶν μὲν ὑπὲρ τῆσ ἐλευθερίασ τελευτησάντων παράνοιαν καταγνοίη, τὸν δ’ ἐγκαταλιπόντα τὴν πατρίδα ὡσ εὖ φρονοῦντα ἀθῷον ἀφείη;