Lycurgus, Speeches, Κατὰ Λεωκράτους 186:

καίτοι τὸν ὑπὸ τῶν μηδὲν ἀδικουμένων μισούμενον καὶ ἐξελαυνόμενον τί δεῖ παθεῖν ὑφ’ ὑμῶν τῶν τὰ δεινότατα πεπονθότων; ἆρ’ οὐ τῆσ ἐσχάτησ τιμωρίασ τυγχάνειν; καὶ μήν, ὦ ἄνδρεσ, τῶν πώποτε προδοτῶν δικαιότατ’ ἂν Λεωκράτησ, εἴ τισ μείζων εἰή τιμωρία θανάτου, ταύτην ὑπόσχοι. οἱ μὲν γὰρ ἄλλοι προδόται, μέλλοντεσ ἀδικεῖν ὅταν ληφθῶσι, τιμωρίαν ὑπέχουσιν· οὗτοσ δὲ μόνοσ διαπεπραγμένοσ ἕπερ ἐπεχείρησε, τὴν πόλιν ἐγκαταλιπὼν κρίνεται.