Lycurgus, Speeches, Κατὰ Λεωκράτους 157:

καὶ τοσοῦτόν γ’ ἔσεσθε τῶν προγόνων χείρουσ ὅσον ἐκεῖνοι μὲν τοὺσ λόγῳ μόνον τῷ προδότῃ βοηθήσαντασ ταῖσ ἐσχάταισ τιμωρίαισ μετῆλθον, ὑμεῖσ δὲ αὐτὸν τὸν ἔργῳ καὶ οὐ λόγῳ τὸν δῆμον ἐγκαταλιπόντα ὡσ οὐδὲν ἀδικοῦντα ἀφήσετε; μὴ δῆτα, ὦ ἄνδρεσ δικασταί, <οὔτε γὰρ ὅσιον> ὑμῖν οὔτε πάτριον, ἀναξίωσ ὑμῶν αὐτῶν ψηφίζεσθε. καὶ γὰρ εἰ μὲν ἕν τι τοιοῦτον γεγονὸσ ἦν ψήφισμα, εἶχεν ἄν τισ εἰπεῖν ὡσ δι’ ὀργὴν μᾶλλον ἢ δι’ ἀλήθειαν ἐποιήσαντο· ὅταν δὲ παρὰ πάντων ὁμοίωσ εἰληφότεσ ὦσι τὴν αὐτὴν τιμωρίαν, πῶσ οὐκ εὔδηλον ὅτι φύσει πᾶσι τοῖσ τοιούτοισ ἔργοισ ἐπολέμουν;