Lycurgus, Speeches, Κατὰ Λεωκράτους 45:

χωρὶσ τοίνυν τούτων Λεωκράτησ ἀναβοήσεται αὐτίκα ὡσ ἰδιώτησ ὤν, καὶ ὑπὸ τῆσ τοῦ ῥήτοροσ καὶ συκοφάντου δεινότητοσ ἀναρπαζόμενοσ· ἐγὼ δ’ ἡγοῦμαι πάντασ ὑμᾶσ εἰδέναι ὅτι τῶν μὲν δεινῶν καὶ συκοφαντεῖν ἐπιχειρούντων ἔργον ἐστὶν ἅμα τοῦτο προαιρεῖσθαι καὶ ζητεῖν τὰ χωρία ταῦτα, ἐν οἷσ τοὺσ παραλογισμοὺσ κατὰ τῶν ἀγωνιζομένων ποιήσονται, τῶν δὲ δικαίωσ τὰσ κρίσεισ ἐνισταμένων καὶ τοὺσ ἐνόχουσ ταῖσ ἀραῖσ ἀκριβῶσ ἀποδεικνύντων τἀναντία φαίνεσθαι τούτοισ ποιοῦντασ, ὥσπερ ἡμεῖσ. οὑτωσὶ δὲ διαλογίζεσθε περὶ τούτων παρ’ ὑμῖν αὐτοῖσ. τίνασ ἀδύνατον ἦν τῇ δεινότητι καὶ ταῖσ παρασκευαῖσ ταῖσ τοῦ λόγου παραγαγεῖν;