헬라어 문장 검색 - Λυξιαν́ϜεραεΗί2́0́33́

(루키아노스, Verae Historiae, book 2 33:)

κύκλῳ μὲν περὶ πᾶσαν αὐτὴν ὕλη ἀνέστηκεν, τὰ δένδρα δέ ἐστι μήκωνεσ ὑψηλαὶ καὶ μανδραγόραι καὶ ἐπ’ αὐτῶν πολύ τι πλῆθοσ νυκτερίδων τοῦτο γὰρ μόνον ἐν τῇ νήσῳ γίνεται ὄρνεον. ἔνθα καὶ τὸ ἄδυτόν ἐστιν αὐτοῖσ καὶ τὸ μαντεῖον, οὗ προειστήκει προφητεύων Ἀντιφῶν ὁ τῶν ὀνείρων ὑποκριτήσ, ταύτησ παρὰ τοῦ ’ Ὕπνου λαχὼν τῆσ τιμῆσ. ποταμὸσ δὲ παραρρεῖ πλησίον ὁ ὑπ’ αὐτῶν καλούμενοσ Νυκτίποροσ, καὶ πηγαὶ δύο παρὰ τὰσ πύλασ· ὀνόματα καὶ ταύταισ, τῇ μὲν Νήγρετοσ, τῇ δὲ Παννυχία. ὁ περίβολοσ δὲ τῆσ πόλεωσ ὑψηλόσ τε καὶ ποικίλοσ, ἴριδι τὴν χρόαν ὁμοιότατοσ· πύλαι μέντοι ἔπεισιν οὐ δύο, καθάπερ Ὅμηροσ εἴρηκεν, ἀλλά τέσσαρεσ, δύο μὲν πρὸσ τὸ τῆσ Βλακείασ πεδίον ἀποβλέπουσαι, ἡ μὲν σιδηρᾶ, ἡ δὲ ἐκ κεράμου πεποιημένη, καθ’ ἃσ ἐλέγοντο ἀποδημεῖν αὐτῶν οἵ τε φοβεροὶ καὶ φονικοὶ καὶ ἀπηνεῖσ, δύο δὲ πρὸσ τὸν λιμένα καὶ τὴν θάλατταν, ἡ μὲν κερατίνη, ἡ δὲ καθ’ ἣν ἡμεῖσ παρήλθομεν ἐλεφαντίνη. εἰσιόντι δὲ εἰσ τὴν πόλιν ἐν δεξιᾷ μέν ἐστι τὸ Νυκτῷον ‐ σέβουσι γὰρ θεῶν ταύτην μάλιστα καὶ τὸν Ἀλεκτρυόνα· ἐκείνῳ δὲ πλησίον τοῦ λιμένοσ τὸ ἱερὸν πεποίηται ‐ ἐν ἀριστερᾷ δὲ τὰ τοῦ Ὕπνου βασίλεια. οὗτοσ γὰρ δὴ ἄρχει παρ’ αὐτοῖσ σατράπασ δύο καὶ ὑπάρχουσ πεποιημένοσ, Ταραξίωνά τε τὸν Ματαιογένουσ καὶ Πλουτοκλέα τὸν Φαντασίωνοσ. ἐν μέσῃ δὲ τῇ ἀγορᾷ πηγὴ τίσ ἐστιν, ἣν καλοῦσι Καρεῶτιν καὶ πλησίον ναοὶ δύο, Ἀπάτησ καὶ Ἀληθείασ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Lucian, Verae Historiae, book 2 33:

(루키아노스, Verae Historiae, book 2 33:)

상위

목록

SEARCH

MENU NAVIGATION