헬라어 문장 검색 - Λυξιαν́ϜεραεΗί2́0́04́

(루키아노스, Verae Historiae, book 2 4:)

ὀγδόῃ δὲ ἡμέρᾳ πλέοντεσ οὐκέτι διὰ τοῦ γάλακτοσ, ἀλλ’ ἤδη ἐν ἁλμυρῷ καὶ κυανέῳ ὕδατι, καθορῶμεν ἀνθρώπουσ πολλοὺσ ἐπὶ τοῦ πελάγουσ διαθέοντασ, ἅπαντα ἡμῖν προσεοικότασ, καὶ τὰ σώματα καὶ τὰ μεγέθη, πλὴν τῶν ποδῶν μόνων ταῦτα γὰρ φέλλινα εἶχον, ἀφ’ οὗ δή, οἶμαι, καὶ ἐκαλοῦντο Φελλόποδεσ. ἐθαυμάσαμεν οὖν ἰδόντεσ οὐ βαπτιζομένουσ, ἀλλὰ ὑπερέχοντασ τῶν κυμάτων καὶ ἀδεῶσ ὁδοιποροῦντασ. οἱ δὲ καὶ προσῄεσαν καὶ ἠσπάζοντο ἡμᾶσ Ἑλληνικῇ φωνῇ· ἔλεγον δὲ καὶ εἰσ Φελλὼ τὴν αὑτῶν πατρίδα ἐπείγεσθαι. μέχρι μὲν οὖν τινοσ συνωδοιπόρουν ἡμῖν παραθέοντεσ, εἶτα ἀποτραπόμενοι τῆσ ὁδοῦ ἐβάδιζον εὔπλοιαν ἡμῖν ἐπευξάμενοι. μετ’ ὀλίγον δὲ πολλαὶ νῆσοι ἐφαίνοντο, πλησίον μὲν ἐξ ἀριστερῶν ἡ Φελλώ, ἐσ ἣν ἐκεῖνοι ἔσπευδον, πόλισ ἐπὶ μεγάλου καὶ στρογγύλου φελλοῦ κατοικουμένη· πόρρωθεν δὲ καὶ μᾶλλον ἐν δεξιᾷ πέντε μέγισται καὶ ὑψηλόταται, καὶ πῦρ πολὺ ἀπ’ αὐτῶν ἀνεκαίετο, κατὰ δὲ τὴν πρῷραν μία πλατεῖα καὶ ταπεινή, σταδίουσ ἀπέχουσα οὐκ ἐλάττουσ πεντακοσίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Verae Historiae, book 2 4:

(루키아노스, Verae Historiae, book 2 4:)

상위

목록

SEARCH

MENU NAVIGATION