호흡부호 보기
강세부호 보기
장단부호 보기
작은 Iota 보기
모든 부호 보기
ἐκείνην μὲν οὖν τὴν ἡμέραν καὶ τὴν νύκτα ἐπηυλισάμεθα τῇ μάχῃ καὶ τρόπαιον ἐστήσαμεν ῥάχιν ξηρὰν δελφῖνοσ ἀναπήξαντεσ. τῇ ὑστεραίᾳ δὲ καὶ οἱ ἄλλοι αἰσθόμενοι παρῆσαν, τὸ μὲν δεξιὸν κέρασ ἔχοντεσ οἱ Ταριχᾶνεσ ‐ ἡγεῖτο δὲ αὐτῶν Πήλαμοσ ‐ τὸ δὲ εὐώνυμον οἱ Θυννοκέφαλοι, τὸ μέσον δὲ οἱ Καρκινόχειρεσ· οἱ γὰρ Τριτωνομένδητεσ τὴν ἡσυχίαν ἦγον οὐδετέροισ συμμαχεῖν προαιρούμενοι. ἡμεῖσ δὲ προαπαντήσαντεσ αὐτοῖσ παρὰ τὸ Ποσειδώνιον συνεμίξαμεν πολλῇ βοῇ χρώμενοι, ἀντήχει δὲ τὸ κύτοσ ὥσπερ τὰ σπήλαια. τρεψάμενοι δὲ αὐτούσ, ἅτε γυμνῆτασ ὄντασ, καὶ καταδιώξαντεσ ἐσ τὴν ὕλην τὸ λοιπὸν ἐπεκρατοῦμεν τῆσ γῆσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기