헬라어 문장 검색 - Λυξιαν́ϜεραεΗί1́0́33́

(루키아노스, Verae Historiae, book 1 33:)

σπουδῇ οὖν βαδίζοντεσ ἐφιστάμεθα πρεσβύτῃ καὶ νεανίσκῳ μάλα προθύμωσ πρασιάν τινα ἐργαζομένοισ καὶ, ὕδωρ ἀπὸ τῆσ πηγῆσ ἐπ’ αὐτὴν διοχετεύουσιν· ἡσθέντεσ οὖν ἅμα καὶ φοβηθέντεσ ἔστημεν κἀκεῖνοι δὲ ταὐτὸ ἡμῖν ὡσ τὸ εἰκὸσ παθόντεσ ἄναυδοι παρειστήκεσαν· ’χρόνῳ δὲ ὁ πρεσβύτησ ἔφη, Τίνεσ ὑμεῖσ ἄρα ἐστέ, ὦ ξένοι; πότερον τῶν ἐναλίων δαιμόνων ἢ ἄνθρωποι δυστυχεῖσ ἡμῖν παραπλήσιοι; καὶ γὰρ ἡμεῖσ ἄνθρωποι ὄντεσ καὶ ἐν γῇ τραφέντεσ νῦν θαλάττιοι γεγόναμεν καὶ συννηχόμεθα τῷ περιέχοντι τούτῳ θηρίῳ, οὐδ’ ὃ πάσχομεν ἀκριβῶσ εἰδότεσ· τεθνάναι μὲν γὰρ εἰκάζομεν, ζῆν δὲ πιστεύομεν. πρὸσ ταῦτα ἐγὼ εἶπον Καὶ ἡμεῖσ τοι ἄνθρωποι, νεήλυδέσ μέν, ὦ πάτερ, αὐτῷ σκάφει πρῴην καταποθέντεσ, προήλθομεν δὲ νῦν βουλόμενοι μαθεῖν τὰ ἐν τῇ ὕλῃ ὡσ ἔχει· πολλὴ γάρ τισ καὶ λάσιοσ ἐφαίνετο. δαίμων δέ τισ, ὡσ ἐοίκεν, ἡμᾶσ ἤγαγεν σέ τε ὀψομένουσ καὶ εἰσομένουσ ὅτι μὴ μόνοι ἐν τῷδε καθείργμεθα τῷ θηρίῳ· ἀλλὰ φράσον γε ἡμῖν τὴν σαυτοῦ τύχην, ὅστισ τε ὢν καὶ ὅπωσ δεῦρο εἰσῆλθεσ. ὁ δὲ οὐ πρότερον ἔφη ἐρεῖν οὐδὲ πεύσεσθαι παρ’ ἡμῶν, πρὶν ξενίων τῶν παρόντων μεταδοῦναι, καὶ λαβὼν ἡμᾶσ ἦγεν ἐπὶ τὴν οἰκίαν ‐ ἐπεποίητο δὲ αὐτάρκη καὶ στιβάδασ ἐνῳκοδόμητο καὶ τὰ ἄλλα ἐξήρτιστο ‐ παραθεὶσ δὲ ἡμῖν λάχανά τε καὶ ἀκρόδρυα καὶ ἰχθῦσ, ἔτι δὲ καὶ οἶνον ἐγχέασ, ἐπειδὴ ἱκανῶσ ἐκορέσθημεν, ἐπυνθάνετο ἃ πεπόνθοιμεν· κἀγὼ πάντα ἑξῆσ διηγησάμην, τόν τε χειμῶνα καὶ τὰ ἐν τῇ νήσῳ καὶ τὸν ἐν τῷ ἀέρι πλοῦν, καὶ τὸν πόλεμον, καὶ τὰ ἄλλα μέχρι τῆσ εἰσ τὸ κῆτοσ καταδύσεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Verae Historiae, book 1 33:

(루키아노스, Verae Historiae, book 1 33:)

상위

목록

SEARCH

MENU NAVIGATION