Lucian, Verae Historiae, book 1 31:

(루키아노스, Verae Historiae, book 1 31:)

ἐπεὶ δὲ ἔνδον ἦμεν, τὸ μὲν πρῶτον σκότοσ ἦν καὶ οὐδὲν ἑωρῶμεν, ὕστερον δὲ αὐτοῦ ἀναχανόντοσ εἴδομεν κύτοσ μέγα καὶ πάντῃ πλατὺ καὶ ὑψηλόν, ἱκανὸν μυριάνδρῳ πόλει ἐνοικεῖν. ἔκειντο δὲ ἐν μέσῳ καὶ μεγάλοι καὶ μικροὶ ἰχθύεσ καὶ ἄλλα πολλὰ θηρία συγκεκομμένα, καὶ πλοίων ἱστία καὶ ἄγκυραι, καὶ ἀνθρώπων ὀστέα καὶ φορτία, κατὰ μέσον δὲ καὶ γῆ καὶ λόφοι ἦσαν, ἐμοὶ δοκεῖν, ἐκ τῆσ ἰλύοσ ἣν κατέπινε συνιζάνουσα. ὕλη γοῦν ἐπ’ αὐτῆσ καὶ δένδρα παντοῖα ἐπεφύκει καὶ λάχανα ἐβεβλαστήκει, καὶ ἐῴκει πάντα ἐξειργασμένοισ· περίμετρον δὲ τῆσ γῆσ στάδιοι διακόσιοι καὶ τεσσαράκοντα. ἦν δὲ ἰδεῖν καὶ ὄρνεα θαλάττια, λάρουσ καὶ ἀλκυόνασ, ἐπὶ τῶν δένδρων νεοττεύοντα.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION