Lucian, Verae Historiae, book 1 23:

(루키아노스, Verae Historiae, book 1 23:)

ἐπειδὰν δὲ γηράσῃ ὁ ἄνθρωποσ, οὐκ ἀποθνῄσκει, ἀλλ’ ὥσπερ καπνὸσ διαλυόμενοσ ἀὴρ γίνεται. τροφὴ δὲ πᾶσιν ἡ αὐτή· ἐπειδὰν γὰρ πῦρ ἀνακαύσωσιν, βατράχουσ ὀπτῶσιν ἐπὶ τῶν ἀνθράκων πολλοὶ δὲ παρ’ αὐτοῖσ εἰσιν ἐν τῷ ἀέρι πετόμενοι· ὀπτωμένων δὲ περικαθεσθέντεσ ὥσπερ δὴ περὶ τράπεζαν κάπτουσι τὸν ἀναθυμιώμενον καπνὸν καὶ εὐωχοῦνται. σίτῳ μὲν δὴ τρέφονται τοιούτῳ· ποτὸν δὲ αὐτοῖσ ἐστιν ἀὴρ ἀποθλιβόμενοσ εἰσ κύλικα καὶ ὑγρὸν ἀνεὶσ ὥσπερ δρόσον. οὐ μὴν ἀπουροῦσίν. γε καὶ ἀφοδεύουσιν, ἀλλ’ οὐδὲ τέτρηνται ᾗπερ ἡμεῖσ, οὐδὲ τὴν συνουσίαν οἱ παῖδεσ ἐν ταῖσ ἕδραισ παρέχουσιν, ἀλλ’ ἐν ταῖσ ἰγνύαισ ὑπὲρ τὴν γαστροκνημίαν ἐκεῖ γάρ εἰσι τετρημένοι. καλὸσ δὲ νομίζεται παρ’ αὐτοῖσ ἢν πού τισ φαλακρὸσ καὶ ἄκομοσ ᾖ, τοὺσ δὲ κομήτασ καὶ μυσάττονται. ἐπὶ δὲ τῶν κομητῶν ἀστέρων τοὐναντίον τοὺσ κομήτασ καλοὺσ νομίζουσιν ἐπεδήμουν γάρ τινεσ, οἳ καὶ περὶ ἐκείνων διηγοῦντο. καὶ μὴν καὶ γένεια φύουσιν μικρὸν ὑπὲρ τὰ γόνατα. καὶ ὄνυχασ ἐν τοῖσ ποσὶν οὐκ ἔχουσιν, ἀλλὰ πάντεσ εἰσὶν μονοδάκτυλοι. ὑπὲρ δὲ τὰσ πυγὰσ ἑκάστῳ αὐτῶν κράμβη ἐκπέφυκε μακρὰ ὥσπερ οὐρά, θάλλουσα ἐσ ἀεὶ καὶ ὑπτίου ἀναπίπτοντοσ οὐ κατακλωμένη.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION