헬라어 문장 검색 - Λυξιαν́ϜεραεΗί1́0́18́

(루키아노스, Verae Historiae, book 1 18:)

ἀναστρέψαντεσ δὲ ἀπὸ τῆσ διώξεωσ δύο τρόπαια ἐστήσαμεν, τὸ μὲν ἐπὶ τῶν ἀραχνίων τῆσ πεζομαχίασ, τὸ δὲ τῆσ ἀερομαχίασ ἐπὶ τῶν νεφῶν. ἄρτι δὲ τούτων γινομένων ἠγγέλλοντο ὑπὸ τῶν σκοπῶν οἱ Νεφελοκένταυροι προσελαύνοντεσ, οὓσ ἔδει πρὸ τῆσ μάχησ ἐλθεῖν τῷ Φαέθοντι. καὶ δὴ ἐφαίνοντο προσιόντεσ, θέαμα παραδοξότατον, ἐξ ἵππων πτερωτῶν καὶ ἀνθρώπων συγκείμενοι· μέγεθοσ δέ τῶν μέν ἀνθρώπων ὅσον τοῦ Ῥοδίων κολοσσοῦ ἐξ ἡμισείασ ἐσ τὸ ἄνω, τῶν δὲ ἵππων ὅσον νεώσ μεγάλησ φορτίδοσ. τὸ μέντοι πλῆθοσ αὐτῶν οὐκ ἀνέγραψα, μή τῳ καὶ ἄπιστον δόξῃ ‐ τοσοῦτον ἦν. ἡγεῖτο δὲ αὐτῶν ὁ ἐκ τοῦ ζῳδιακοῦ τοξότησ. ἐπεὶ δὲ ᾔσθοντο τοὺσ φίλουσ νενικημένουσ, ἐπὶ μὲν τὸν Φαέθοντα ἔπεμπον ἀγγελίαν αὖθισ ἐπιέναι, αὐτοὶ δὲ διαταξάμενοι τεταραγμένοισ ἐπιπίπτουσι τοῖσ Σεληνίταισ, ἀτάκτωσ περὶ τὴν δίωξιν καὶ τὰ λάφυρα διεσκεδασμένοισ· καὶ πάντασ μὲν τρέπουσιν, αὐτὸν δὲ τὸν βασιλέα καταδιώκουσι πρὸσ τὴν πόλιν καὶ τὰ πλεῖστα τῶν ὀρνέων αὐτοῦ κτείνουσιν ἀνέσπασαν δὲ καὶ τὰ τρόπαια καὶ κατέδραμον ἅπαν τὸ ὑπὸ· τῶν ἀραχνῶν πεδίον ὑφασμένον, ἐμὲ δὲ καὶ δύο τινὰσ τῶν ἑταίρων ἐζώγρησαν. ἤδη δὲ παρῆν καὶ ὁ Φαέθων καὶ αὖθισ ἄλλα τρόπαια ὑπ’ ἐκείνων ἵστατο. ἡμεῖσ μὲν οὖν ἀπηγόμεθα ἐσ τὸν ἥλιον αὐθημερὸν τὼ χεῖρε ὀπίσω δεθέντεσ ἀραχνίου ἀποκόμματι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Verae Historiae, book 1 18:

(루키아노스, Verae Historiae, book 1 18:)

상위

목록

SEARCH

MENU NAVIGATION