Lucian, Verae Historiae, book 1 16:

(루키아노스, Verae Historiae, book 1 16:)

τῶν δὲ πολεμίων τὸ μὲν εὐώνυμον εἶχον οἱ Ἱππομύρμηκεσ καὶ ὁ ἐν αὐτοῖσ Φαέθων· θηρία δέ ἐστι μέγιστα, ὑπόπτερα, τοῖσ παρ’ ἡμῖν μύρμηξι ι προσεοικότα πλὴν τοῦ μεγέθουσ· ὁ γὰρ μέγιστοσ αὐτῶν καὶ δίπλεθροσ ἦν. ἐμάχοντο δὲ οὐ μόνον οἱ ἐπ’ αὐτῶν, ἀλλὰ καὶ αὐτοὶ μάλιστα τοῖσ κέρασιν ἐλέγοντο δὲ οὗτοι εἶναι ἀμφὶ τὰσ πέντε μυριάδασ. ἐπὶ δὲ τοῦ δεξιοῦ αὐτῶν ἐτάχθησαν οἱ Αἐροκώνωπεσ, ὄντεσ καὶ οὗτοι ἀμφὶ τὰσ πέντε μυριάδασ, πάντεσ τοξόται κώνωψι μεγάλοισ ἐποχούμενοι· μετὰ δὲ τούτουσ οἱ Αἐροκόρδακεσ, ψιλοί τε ὄντεσ καὶ πεζοί, πλὴν μάχιμοί γε καὶ οὗτοι· πόρρωθεν γὰρ ἐσφενδόνων ῥαφανῖδασ ὑπερμεγέθεισ, καὶ ὁ βληθεὶσ οὐδ’ ἐπ’ ὀλίγον ^ ἀντέχειν ἐδύνατο, ἀπέθνῃσκε δέ, καὶ δυσωδίασ τινὸσ τῷ τραύματι ἐγγινομένησ· ἐλέγοντο δὲ χρίειν τὰ βέλη μαλάχησ ἰῷ. ἐχόμενοι δὲ αὐτῶν ἐτάχθησαν οἱ Καυλομύκητεσ, ὁπλῖται ὄντεσ καὶ ἀγχέμαχοι τὸ πλῆθοσ μύριοι· ἐκλήθησαν δὲ Καυλομύκητεσ, ὅτι ἀσπίσι μὲν μυκητίναισ ἐχρῶντο, δόρασι δὲ καυλίνοισ τοῖσ ἀπὸ τῶν ἀσπαράγων. πλησίον δὲ αὐτῶν οἱ Κυνοβάλανοι ἔστησαν, οὓσ ἔπεμψαν αὐτῷ οἱ τὸν Σείριον κατοικοῦντεσ, πεντακισχίλιοι, ἄνδρεσ ^ κυνοπρόσωποι ἐπὶ βαλάνων πτερωτῶν μαχόμενοι. ἐλέγοντο δὲ κἀκείνῳ ὑστερίζειν τῶν συμμάχων οὕσ τε ἀπὸ τοῦ Γαλαξίου μετεπέμπετο σφενδονήτασ καὶ οἱ Νεφελοκένταυροι. ἀλλ’ ἐκεῖνοι μὲν τῆσ μάχησ ἤδη κεκριμένησ ἀφίκοντο, ὡσ μήποτε ὤφελον οἱ σφενδονῆται δὲ οὐδὲ ὅλωσ παρεγένοντο, διόπερ φασὶν ὕστερον αὐτοῖσ ὀργισθέντα τὸν Φαέθοντα πυρπολῆσαι τὴν χώραν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION