Lucian, Verae Historiae, book 1 12:

(루키아노스, Verae Historiae, book 1 12:)

ἢν δὲ καὶ κατορθώσω, ἔφη, τὸν πόλεμον ὃν ἐκφέρω νῦν πρὸσ τοὺσ τὸν ἥλιον κατοικοῦντασ, ἁπάντων εὐδαιμονέστατα παρ’ ἐμοὶ καταβιώσεσθε. καὶ ἡμεῖσ ἠρόμεθα τίνεσ εἰε͂ν οἱ πολέμιοι καὶ τὴν αἰτίαν τῆσ διαφορᾶσ Ὁ δὲ Φαέθων, φησίν, ὁ τῶν ἐν τῷ ἡλίῳ κατοικούντων βασιλεύσ ‐ οἰκεῖται γὰρ δὴ κἀκεῖνοσ ὥσπερ καὶ ἡ σελήνη ‐ πολὺν ἤδη πρὸσ ἡμᾶσ πολεμεῖ χρόνον. ἤρξατο δὲ ἐξ αἰτίασ τοιαύτησ. τῶν ἐν τῇ ἀρχῇ τῇ ἐμῇ ποτε τοὺσ ἀπορωτάτουσ συναγαγὼν ἐβουλήθην ἀποικίαν ἐσ τὸν Εὡσφόρον στεῖλαι, ὄντα ἔρημον καὶ ὑπὸ μηδενὸσ κατοικούμενον· ὁ τοίνυν Φαέθων φθονήσασ ἐκώλυσε τὴν ἀποικίαν κατὰ μέσον τὸν πόρον ἀπαντήσασ ἐπὶ τῶν Ἱππομυρμήκων. τότε μὲν οὖν νικηθέντεσ ‐ οὐ γὰρ ἦμεν ἀντίπαλοι τῇ παρασκευῇ ‐ ‐ ἀνεχωρήσαμεν νῦν δὲ βούλομαι αὖθισ ἐξενεγκεῖν τὸν πόλεμον καὶ ἀποστεῖλαι τὴν ἀποικίαν. ἢν οὖν ἐθέλητε, κοινωνήσατέ μοι τοῦ στόλου, γῦπασ δὲ ὑμῖν ἐγὼ παρέξω τῶν βασιλικῶν ἕνα ἑκάστῳ καὶ τὴν ἄλλην ὅπλισιν αὔριον δὲ ποιησόμεθα τὴν ἔξοδον. οὕτωσ, ἔφην ἐγώ, γιγνέσθω, ἐπειδή σοι δοκεῖ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION