Lucian, Symposium, (no name) 26:

ταῦτά σοι ἀπὸ πολλῶν ὀλίγα παρεθέμην, ὅπωσ μάθῃσ οἱο͂ν ἄνδρα παραλιπὼν Δίφιλον ἑστιᾷσ καὶ τὸν υἱὸν αὐτῷ παραδέδωκασ, εἰκότωσ· ἡδὺσ γάρ ἐστι τῷ μειρακίῳ καὶ πρὸσ χάριν αὐτῷ σύνεστιν. εἰ δὲ μὴ αἰσχρὸν ἦν ἐμὲ λέγειν τὰ τοιαῦτα, κἄν τι προσέθηκα, ὅπερ σύ, εἰ θέλεισ, παρὰ Ζωπύρου τοῦ παιδαγωγοῦ ἂν μάθοισ ἀληθὲσ ὄν. ἀλλ’ οὐ χρὴ ταράττειν ἐν γάμοισ οὐδὲ διαβάλλειν ἄλλουσ, καὶ μάλιστα ἐφ’ οὕτωσ αἰσχραῖσ αἰτίαισ· καὶ γὰρ εἰ Δίφιλοσ ἄξιοσ δύο ἤδη μαθητάσ μου περισπάσασ, ἀλλ’ ἔγωγε φιλοσοφίασ αὐτῆσ ἕνεκεν σιωπήσομαι.