Lucian, Symposium, (no name) 20:

(루키아노스, Symposium, (no name) 20:)

ἐνταῦθα Διόνικοσ ἐπεισῆλθεν ὁ ἰατρὸσ οὐ πολὺ κατόπιν τοῦ ἀγῶνοσ· ἐβεβραδύκει δέ, ὡσ ἔφασκε, φρενίτιδι ἑαλωκότα θεραπεύων Πολυπρέποντα τὸν αὐλητήν. καί τι καὶ γελοῖον διηγήσατο· ἔφη μὲν γὰρ εἰσελθεῖν παρ’ αὐτὸν οὐκ εἰδὼσ ἐχόμενον ἤδη τῷ πάθει, τὸν δὲ ταχέωσ ἀναστάντα ἐπικλεῖσαί τε τὴν θύραν καὶ ξιφίδιον σπασάμενον ἀναδόντα αὐτῷ τοὺσ αὐλοὺσ κελεύειν αὐλεῖν εἶτα ἐπεὶ μὴ δύναιτο, παίειν σκῦτοσ ἔχοντα ἐσ ὑπτίασ τὰσ χεῖρασ. τέλοσ οὖν ἐν τοσούτῳ κινδύνῳ ἐπινοῆσαι τοιόνδε· ἐσ ἀγῶνα γὰρ προκαλέσασθαι αὐτὸν ἐπὶ ῥητῷ πληγῶν ἀριθμῷ, καὶ πρῶτον μὲν αὐτὸσ αὐλῆσαι πονηρῶσ, μετὰ δὲ παραδοὺσ τοὺσ αὐλοὺσ ἐκείνῳ δέξασθαι παρ’ αὐτοῦ τὸ σκῦτοσ καὶ τὸ ξιφίδιον καὶ ἀπορρῖψαι τάχιστα διὰ τῆσ φωταγωγοῦ ἐσ τὸ ὕπαιθρον τῆσ αὐλῆσ, καὶ τὸ ἀπὸ τούτου ἀσφαλέστεροσ ἤδη προσπαλαίων αὐτῷ ἐπικαλεῖσθαι τοὺσ γειτνιῶντασ, ὑφ’ ὧν ἀνασπασάντων τὸ θύριον σωθῆναι αὐτόσ. ^ ἐδείκνυ δὲ καὶ σημεῖα τῶν πληγῶν καὶ ἀμυχάσ τινασ ἐπὶ τοῦ προσώπου. καὶ ὁ μὲν Διόνικοσ οὐ μεῖον εὐδοκιμήσασ τοῦ γελωτοποιοῦ ἐπὶ τῇ διηγήσει πλησίον τοῦ Ἱστιαίου παραβύσασ ἑαυτὸν ἐδείπνει ὅσα λοιπά, οὐκ ἄνευ θεοῦ τινοσ ἡμῖν ἐπιπαρών, ἀλλὰ καὶ πάνυ χρήσιμοσ τοῖσ μετὰ ταῦτα γεγενημένοσ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION