Lucian, Symposium, (no name) 14:

(루키아노스, Symposium, (no name) 14:)

καὶ μέντοι καὶ σιτούμενοσ ἐνεργὸσ ἦν ἀρετῆσ πέρι καὶ κακίασ μεταξὺ διεξιὼν καὶ ἐσ τὸν χρυσὸν καὶ τὸν ἄργυρον ἀποσκώπτων ἠρώτα γοῦν τὸν Ἀρισταίνετον, τί βούλονται αὐτῷ αἱ τοσαῦται καὶ τηλικαῦται κύλικεσ τῶν κεραμεῶν ἴσον δυναμένων. ἀλλ’ ἐκεῖνον μὲν ἤδη διενοχλοῦντα ἔπαυσεν ἐσ τὸ παρὸν Ἀρισταίνετοσ τῷ παιδὶ διανεύσασ ^ εὐμεγέθη σκύφον ἀναδοῦναι αὐτῷ ζωρότερον ἐγχέαντα· καὶ ἐδόκει ἄριστα ἐπινενοηκέναι οὐκ εἰδὼσ ὅσων κακῶν ἀρχὴν ὁ σκύφοσ ἐκεῖνοσ ἐνεδεδώκει. λαβὼν δὲ ἅμα ὁ Ἀλκιδάμασ ἐσίγησε μικρὸν καὶ ἐσ τοὔδαφοσ καταβαλὼν ἑαυτὸν ἔκειτο ἡμίγυμνοσ, ὥσπερ ἠπειλήκει, πήξασ τὸν ἀγκῶνα ὀρθόν, ἔχων ἅμα τὸν σκύφον ἐν τῇ δεξιᾷ, οἱο͂σ ὁ παρὰ τῷ Φόλῳ Ἡρακλῆσ ὑπὸ τῶν γραφέων δείκνυται.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION