Lucian, Pseudologista, (no name) 28:

(루키아노스, Pseudologista, (no name) 28:)

πολλὰ ἔτι ἔχων εἰπεῖν, τὰ μὲν ἄλλα ἑκὼν ἀφίημί σοι, ἐκεῖνο δὲ μόνον προσλέγω, πρᾶττε μὲν ταῦτα ὅπωσ σοι φίλον καὶ μὴ παύσαιο τὰ τοιαῦτα ἐσ ἑαυτὸν παροινῶν, ἐκεῖνο δὲ μηκέτι, ἄπαγε· οὐ γὰρ ὅσιον ἐπὶ τὴν αὐτὴν ἑστίαν τοὺσ ταῦτα διατιθέντασ καλεῖν καὶ φιλοτησίασ προπίνειν καὶ ὄψων τῶν αὐτῶν ἅπτεσθαι. ἀλλὰ μηδὲ ἐκεῖνο ἔστω τὸ ἐπὶ τοῖσ λόγοισ, φιλήματα, καὶ ταῦτα πρὸσ τοὺσ οὐ πρὸ πολλοῦ ἀποφράδα σοι ἐργασαμένουσ τὸ στόμα. κἀπειδήπερ ἅπαξ φιλικῆσ παραινέσεωσ ἠρξάμην, κἀκεῖνα, εἰ δοκεῖ, ἄφελε, τὸ μύρῳ χρίεσθαι τὰσ πολιὰσ καὶ τὸ πιττοῦσθαι μόνα ἐκεῖνα. εἰ μὲν γὰρ νόσοσ τισ ἐπείγει, ἅπαν τὸ σῶμα θεραπευτέον, εἰ δὲ μηδὲν νοσεῖσ τοιοῦτο, τί σοι βούλεται καθαρὰ καὶ λεῖα καὶ ὀλισθηρὰ ἐργάζεσθαι ἃ μηδὲ ὁρᾶσθαι θέμισ ; ἐκεῖνό σοι μόνον σοφόν, αἱ πολιαὶ καὶ τὸ μηκέτι μελαίνεσθαι, ὡσ προκάλυμμα εἰε͂ν τῆσ βδελυρίασ. φείδου δὴ αὐτῶν πρὸσ Διὸσ κἀν τούτῳ, καὶ μάλιστα τοῦ πώγωνοσ αὐτοῦ, μηδὲ μιάνῃσ ἔτι μηδὲ ὑβρίσῃσ· εἰ δὲ μή, ἐν νυκτί γε καὶ σὺν σκότῳ, τὸ δὲ μεθ’ ἡμέραν, ἄπαγε, κομιδῇ ἄγριον καὶ θηριῶδεσ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION