Lucian, Pseudologista, (no name) 12:

εἶπον ἂν καὶ ’τοὺσ πρὸ ἡμῶν κεχρημένουσ τῷ ὀνόματι, εἰ μὴ καὶ ταύτῃ σε διαταράξειν ἔμελλον, ξένα σοι καὶ ἄγνωστα ποιητῶν καὶ ῥητόρων καὶ συγγραφέων ὀνόματα διεξιών. μᾶλλον δὲ οὐδ’ ἐγώ σοι τοὺσ εἰπόντασ ἐρῶ, πάντεσ γὰρ ἴσασιν, ἀλλὰ σύ μοι ἕνα τῶν πάλαι δείξασ οὐ κεχρημένον τῷ ὀνόματι, χρυσοῦσ, φασίν, ἐν Ὀλυμπίᾳ στάθητι καίτοι ὅστισ γέρων ὢν καὶ ἀφῆλιξ τὰ τοιαῦτα ἀγνοεῖ. δοκεῖ μοι καὶ ὅτι Ἀθῆναι πόλισ ἐστὶν ἐν τῇ Ἀττικῇ καὶ Κόρινθοσ ἐπὶ τῷ Ἰσθμῷ καὶ Σπάρτη ἐν Πελοποννήσῳ μὴ εἰδέναι.