Lucian, Pseudologista, (no name) 5:

(루키아노스, Pseudologista, (no name) 5:)

"ἐσ Ὀλυμπίαν ποτὲ ἧκε λόγον τινὰ πρὸ πολλοῦ συγγεγραμμένον ἐπιδειξόμενοσ τοῖσ πανηγυρισταῖσ. ἦν δὲ ὑπόθεσισ τῷ συγγράμματι ὁ Πυθαγόρασ κωλυόμενοσ ὑπό τινοσ Ἀθηναίων, οἶμαι, μετέχειν τῆσ Ἐλευσῖνι τελετῆσ ὡσ βάρβαροσ, ὅτι ἔλεγεν αὐτὸσ ὁ Πυθαγόρασ πρὸ τούτου ποτὲ καὶ Εὔφορβοσ γεγονέναι. "ἐτύγχανεν δὲ ὁ λόγοσ αὐτῷ κατὰ τὸν Αἰσώπου κολοιὸν συμφορητὸσ ὢν ἐκ ποικίλων ἀλλοτρίων πτερῶν. βουλόμενοσ δὴ μὴ ἑώλα δόξαι λέγειν ἀλλ’ αὐτοσχεδιάζειν τὰ ἐκ τοῦ βιβλίου, δεῖται τῶν συνήθων τινόσ ἦν δὲ ἐκ Πατρῶν ἐκεῖνοσ, ἀμφὶ δίκασ ἔχων τὰ πολλὰ ^ ἐπειδὰν αἰτήσῃ τινὰσ ὑποθέσεισ τοῖσ λόγοισ, τὸν Πυθαγόραν αὐτῷ προελέσθαι. "καὶ οὕτωσ ἁνὴρ ^ ἐποίησε, καὶ συνέπεισε τὸ θέατρον ἀκούειν τὸν ὑπὲρ τοῦ Πυθαγόρου ἐκεῖνον λόγον. "^ ἦν δὴ τὸ ἐπὶ τούτῳ ὁ μὲν πάνυ ἀπίθανοσ ἐν τῇ ὑποκρίσει, συνείρων οἱο͂ν εἰκὸσ ἐκ πολλοῦ ἐσκεμμένα καὶ μεμελετημένα, εἰ καὶ ὅτι μάλιστα ἡ ἀναισχυντία . . οὖσα ἐπήμυνε καὶ χεῖρα ὤρεγε καὶ συνηγωνίζετο αὐτῷ. γέλωσ δὲ πολὺσ παρὰ τῶν ἀκουόντων· "καὶ οἱ μὲν ἐσ τὸν Πατρέα ἐκεῖνον μεταξὺ ἀποβλέποντεσ ὑπεδήλουν ὡσ οὐ λέληθε συμπράξασ αὐτῷ τὴν ῥᾳδιουργίαν, οἱ δὲ καὶ αὐτὰ γνωρίζοντεσ τὰ λεγόμενα παρ’ ὅλην τὴν ἀκρόασιν διετέλεσαν ἓν τοῦτο μόνον ἔργον ἔχοντεσ, ἀλλήλων πειρώμενοι ὅπωσ μνήμησ ἔχουσι ^ πρὸσ τὸ διαγιγνώσκειν ὅτου ἕκαστον ἦν τῶν ὀλίγον πρὸ ἡμῶν εὐδοκιμησάντων ἐπὶ ταῖσ καλουμέναισ μελέταισ σοφιστῶν. ἐν δὲ τούτοισ ἅπασι καὶ ὁ τὸν λόγον τόνδε συγγράψασ ἦν ἐν τοῖσ γελῶσι καὶ αὐτόσ. τί δ’ οὐκ ἔμελλεν γελᾶν ἐφ’ οὕτω περιφανεῖ καὶ ἀπιθάνῳ καὶ ἀναισχύντῳ τολμήματι ; "καί πωσ ἔστιν δὲ ἀκρατὴσ γέλωτοσ ὁ μὲν τὴν φωνὴν ἐντρέψασ ἐσ μέλοσ, ὡσ ᾤετο, θρῆνόν τινα ἐπηύλει τῷ Πυθαγόρᾳ, ὁ δέ, τοῦτο δὴ τὸ τοῦ λόγου, ὄνον κιθαρίζειν πειρώμενον ὁρῶν ἀνεκάγχασε μάλα ἡδύ, ὁ ποιητὴσ οὗτοσ ὁ ἐμόσ· "ὁ δὲ εἶδεν ἐπιστραφείσ. τοῦτο ἐξεπολέμωσεν αὐτούσ, τό τε ἔναγχοσ ἐνθένδε ἦν μὲν ἡ τοῦ ἔτουσ ἀρχή, μᾶλλον δὲ ἡ ἀπὸ τῆσ μεγάλησ νουμηνίασ τρίτη, ἐν ᾗ οἱ Ῥωμαῖοι κατά τι ἀρχαῖον εὔχονταί τε αὐτοὶ ὑπὲρ ἅπαντοσ τοῦ ἔτουσ εὐχάσ τινασ καὶ θύουσι, Νομᾶ ^ τοῦ βασιλέωσ καταστησαμένου τὰσ ἱερουργίασ αὐτοῖσ, καὶ πεπιστεύκασιν τοὺσ θεοὺσ ἐν ἐκείνῃ μάλιστα τῇ ἡμέρᾳ χρηματίζειν τοῖσ εὐχομένοισ. "ἐν τοιαύτῃ τοίνυν ἑορτῇ καὶ ἱερομηνίᾳ ὁ τότε γελάσασ ἐν Ὀλυμπίᾳ ἐκεῖνοσ ἐπὶ τῷ ὑποβολιμαίῳ Πυθαγόρᾳ ἰδὼν προσιόντα τὸν κατάπτυστον καὶ ἀλαζόνα, τὸν τῶν ἀλλοτρίων λόγων ὑποκριτήν ἐτύγχανε δὲ καὶ τὸν τρόπον ἀκριβῶσ εἰδὼσ αὐτοῦ καὶ τὴν ἄλλην ἀσέλγειαν καὶ μιαρίαν τοῦ βίου καὶ ἃ ποιεῖν ἐλέγετο καὶ ἃ ποιῶν κατείληπτο ^ Ὥρα ἡμῖν,’ ἔφη πρόσ τινα τῶν ἑταίρων, ’ ἐκτρέπεσθαι τὸ δυσάντητον τοῦτο θέαμα, ὃσ φανεὶσ ἐοίκε τὴν ἡδίστην ἡμέραν ἀποφράδα ἡμῖν ποιήσειν. "’ Τοῦτ’ ἀκούσασ ὁ σοφιστὴσ τὴν ἀποφράδα ὥσ τι ξένον καὶ ἀλλότριον τῶν Ἑλλήνων ὄνομα ἐγέλα εὐθὺσ καὶ τὸν ἄνδρα τοῦ πάλαι ἐκείνου γέλωτοσ ἠμύνετο, ὡσ γοῦν ᾤετο, καὶ πρὸσ ἅπαντασ ἔλεγεν, ’ ἀποφράσ, τί δὲ τοῦτό ἐστι; "καρπόσ τισ ἢ βοτάνη τισ ἢ σκεῦοσ ; "ἆρα τῶν ἐσθιομένων ἢ πινομένων τί ἐστιν ἀποφρὰσ ; "ἐγὼ μὲν οὔτε ἤκουσα πώποτε οὔτ’ ἂν συνείην ποτὲ ὅ τι καὶ λέγει. "’ ταῦθ’ ὁ μὲν ᾤετο κατὰ τοῦτου διεξιέναι καὶ πολὺν ἐπῆγε τῇ ἀποφράδι τὸν γέλων ἐλελήθει δὲ κατ’ αὐτοῦ τὸ ὕστατον τεκμήριον ἀπαιδευσίασ ἐκφέρων. "ἐπὶ τούτῳ τὸν λόγον τόνδε συνέγραψεν ὁ ^ ἐμὲ προεισπέμψασ ὑμῖν, ὡσ δείξειε τὸν ἀοίδιμον σοφιστὴν τὰ κοινὰ τῶν Ἑλλήνων ἀγνοοῦντα καὶ ὁπόσα κἂν οἱ ἐπὶ τῶν ἐργαστηρίων καὶ τῶν καπηλείων εἰδεῖεν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION