Lucian, Piscator, (no name) 27:

(루키아노스, Piscator, (no name) 27:)

ἀνθ’ ὧν ἁπάντων ἄξιόν ἐστιν ὑποσχεῖν αὐτὸν τὴν δίκην. ἢ τί γὰρ ἂν εἰπεῖν ἔχοι τὰ σεμνότατα διασύρασ ἐπὶ τοσούτων μαρτύρων; χρήσιμον γοῦν καὶ πρὸσ ἐκείνουσ τὸ τοιοῦτον, εἰ θεάσαιντο αὐτὸν κολασθέντα, ὡσ μηδὲ ἄλλοσ τισ ἔτι καταφρονοίη Φιλοσοφίασ· ἐπεὶ τό γε τὴν ἡσυχίαν ἄγειν καὶ ὑβριζόμενον ἀνέχεσθαι οὐ μετριότητοσ, ἀλλὰ ἀνανδρίασ καὶ εὐηθείασ εἰκότωσ ἂν νομίζοιτο. τὰ μὲν γὰρ τελευταῖα τίνι φορητά; ὃσ καθάπερ τὰ ἀνδράποδα παραγαγὼν ἡμᾶσ ἐπὶ τὸ πωλητήριον καὶ κήρυκα ἐπιστήσασ ἀπημπόλησεν, ὥσ φασιν, τοὺσ μὲν ἐπὶ πολλῷ, ἐνίουσ δὲ μνᾶσ Ἀττικῆσ, ἐμὲ δὲ ὁ παμπονηρότατοσ οὗτοσ δύ’ ὀβολῶν οἱ παρόντεσ δὲ ἐγέλων. ἀνθ’ ὧν αὐτοί τε ἀνεληλύθαμεν ἀγανακτήσαντεσ καὶ σὲ ἀξιοῦμεν τιμωρήσειν ἡμῖν τὰ ἔσχατα ὑβρισμένοισ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION